Jowai, Nailar 02:
Ka Sohmynting Dongnein bad ka Mupliang ki la ïasam point, katba ka Lumpyrtuh Mihmyntdu ka la khur ïa ka jingjop ha ka lympung ïalehkai Independence Day Cup Under-17 Football Tournament ba la pynïaid da ka West Jaiñtia District Sports Association.
Ha ka jingïakhun kaba la long ha ka sngi Balang ha madan Kiang Nangbah Stadium Jowai, ka Sohmynting Dongnein bad ka Mupliang ki la ïakhaid mar 3-3.
Ïa ki kol jong ka Sohmynting Dongnein la thep da u Wanmi kyndait ha ka minit kaba 25 & 29 bad u Salan Lyngdoh ha ka minit kaba 67. Katba ki kol jong ka Mupliang la thep da u Emianga Phawa haka minit kaba 51, u Morify Sna haka minit kaba 64 & 70+1.
Ha ka jingïakhun kaba bud, ka Lumpyrtuh Mihmyntdu ka la pynliem noh ïa ka Samaro da 3-2 kol. Ïa ki kol jong ka Lumpyrtuh Mihmyntdu la thep da u Isack Chyrmang ha ka minit kaba 34, u Wanbor Dkhar ha ka minit kaba 44 bad u Firstborn Kyndait ha ka minit kaba 46. Katba ki kol jong ka Samaro la thep da u Dunsill Chyrmang ha ka minit kaba 24 & 65.
