Nongstoiñ, Nailar 02:
Ka lympung ïalehkai 38th Megha-laya State Badminton Champion-ship 2023 ka la sdang ha ka Sngi Balang ha kaba la plie da u Deputy Commissioner ka West Khasi Hills u LSN Dyke (IAS) ha Indoor Stadium Nongstoiñ.
Ïa kane ka lympung la pynïaid bad pdiang da ka West Khasi Hills District Badminton Association ha ka jingïatreilang bad ka Meghalaya State Badminton Association.
Ki la don kumba 10 tylli ki kynhun kynthup kawei ka klob na ki District bapher bapher jong ka Jylla, ki la wan ïashim bynta bad ki don kumba 244 ngut ki nongïashim bynta ha ki jong ki kyrdan ïalehkai bapher bapher, ba kynthup ïa 63 ngut ha ka liang ki khynnah kynthei bad 181 ngut khynnah shynrang.
Nalor u kongsan la ïadonlang ruh u Bah Lakador Syiem (MPS) Commandant ka 4th Battalion, Bah H.K. Thabah, ADC ka West Khasi Hills ha kajuh ka por kum u Chairman ka Organising Committee, ka DSO West Khasi Hills ka Kong B. Syiem, ki dkhot na ka MSBA, ki dkhot na ka WKHBDA bad kiwei kiwei ha kaba la pynshit pynshngaiñ ruh ïa kane ka sngi plie da ka jingrwai.
