C. B. Iawphniaw
Ki samla wad kam wad jam mynta ki dei la kumno kumno ki dei ban ioh lane pass ïa ka kyrdan pule BA/B.Com/B. Sc shaneng, ki lah ban ioh ïaleh ïa ki Interview halor ki kam bapher bapher kiba lah ban mih lyngba ki Advertisement ha ki Department bapher bapher jong ka sorkar Jylla bad ka Central.
Kham eh mynta ïa ki bym pat pass ïa ka Degree lane B. Ed ba kin ioh lad ban thep kam. Kiba la ioh ïa kine ki kyrdan pule ki lah ban ioh ïa ki kam kiba ai jingmyntoi ïa ki. Katba kiba dang rit kyrdan lane kiba dang hap ha ka Undergraduate ka long kaba eh mynta ban ioh kam. Namar ka jingkylla jong ka por.
Mynta ki kam ki dawa ïa kiba la pass ïa ka Graduate Degree/Master Degree/B.E./B. Tech/M. Tech, MCA bad B. Ed bad kiba la don ka Experience. Bad ym don shuh ki kam kiba la hap ïa ki Undergraduate. Wat la ki kam Peon mynta la thep bad apply da kiba la pass degree suda. Kane ka long ka jingeh ïa ki khun samla mynta lada kim ïaleh shitom ban ioh ïa ka kyrdan pule kaba kham shalor. Mynta lei lei phi iohi ha ki kam ba ki ai advertisement ki khot khamtam ïa kiba la don ka experience shi snem bad ar snem ha kata ka laiñ. Kane ka dei ka jingeh ïa ki khun samla ban ioh kam ioh jam.
