Shillong, Nailar 03:
Ki bor pynïaid ka Social and Eco-nomic Life Development Depart-ment (SELDD) jong ka Khasi Jaiñtia Presbyterian Synod Sepngi lyngba ka Agency For Sustainable Develop-ment Initiative (AFSDI) ka la pynjlan ïa ka jingpynrung kyrteng na ka bynta ki nongïashim bynta ha ka ‘Shillong Run- 10K 2023’ kaba la thmu ban pynlong ha ka 12 tarik mynta u bnai ha kane ka nongbah.
Ïa kane ka jingpynrung ïa ki kyrteng ki nongïashim bynta la pynjlan shaduh ka 7 tarik mynta u bnai. Ha ka Online Registration, kino kino ki ban pynrung kyrteng ïalade da kaba shu scan ïa u ‘QR Code’ ba la buh ha ki Flyer bad ki Banner. Katba ha ka Offline Registration kino-kino ki lah ban pynrung kyrteng ïalade da kaba leit shim ïa ki Form na ka shlem treikam jong ka KJP Synod Sepngi, Mission Compound, Shillong lane na Rubok Sports (Umsohsun), Dazzle Sports (Laitumkhrah), Weson Elec-tricals sale and Service (Mawlai stand Bus), Mebaai Sports (Polo), Ms Nongrum Enterprise (Dong Speng-thawlangmlah, New Nongstoiñ), TBn I.D Nongsiej (Mairang), Ms Marweiñ Restaurant (Mawkyrwat) bad Tiewla Enterprise (Sohra).
Ka jingthmu jong kane ka jingmareh ka long shi bynta ban pynmih pisa na ka bynta ki projek kiba ka Synod ka la seng na ka bynta ki khynnah kiba don ki jingduna ha ki dkhot met, kata ka Mairang Vidyajyoti Inclusive Secondary School ha Mairang, ka Community Based Rehabilitation Centre ha Mairang bad Rev. Amirkha School for Disabled kaba ha Mawlai.
