Jowai, Nailar 04:
Ka Ladthadlaboh Sports Club bad ka Demthring Sports Club ki la ïoh rung sha ka jingïakhun quarter final jong ka lympung ïalehkai Independence Day Cup Under-17 Football Tournament kaba la pynïaid da ka West Jaiñtia District Sports Association (WJDSA).
Kane ka jingïoh rung quarter final ka la wan hadien ba ka Ladthadlaboh bad ka Demthring ki la khur jingjop ha ka jingïakhun pre quarter-fiinal kaba la long ha ka sngi Thohdieng ha madan Kiang Nangbah Stadium, Jowai.
Ka jingïalehkai hapdeng kitei ki kynhun ne sports club ha katei ka sngi ka la long shisha kaba ïakhaid bad kaba itynnad bha namar baroh arliang mamla ki la sei ïa ka sap ka phong.
Haba phai sha ka jingïakhun kaba nyngkong, ka Ladthadlaboh ka la lah ban pynliem noh ïa ka Sohmynting Sports Club da 1-0 kol bad ïa kane ka kol la thep da u Help me Syntem ha ka minit kaba 43.
Ha kawei pat ka jingïakhun kaba bud, ka Demthring ka la lah ban pynliem noh ïa ka Dongmihsngi Sports Club da 1-0 kol bad ïa kane ka kol la thep da u Olanroi Suting ha ka minit kaba 58.
