E. S. Ajar
Ka jingthmu ka Sorkar ban pyntreikam ïa u ‘Smart meter’ lyngba ka MeECL ha Meghalaya. Kumba ka paw ha kawei na ki kot khubor kaba 25th Naitung 2023 kaba ong “Yn pyntreikam Smart Meter ka MeECL ha 4.7 lak tylli ki longïing lyngba ka RDSS (Revamped Distribution Sector Scheme).” Hangne u Chairman cum Managing Director ka MeECL u Sanjay Goyal u la ïathuh ba ioh ïa ka scheme RDSS, kaba mut ba ki paidbah kim donkam siew ïaka bai meter (Smart Meter thymmai).
Hangne la batai shaphang ka rukom treikam une u meter thymmai da kata ka buit sianti jong ki (Da ka technical terms). Hangne ngim donkam ïa kata ban tip ïa ka technology jong phi, ngi kwah ban tip sngewbha ban pynshai ïa ngi ki paidbah ki ban hap siew ïa ka bai thang light.
1) Smart Meter ka mut aiu ?
2) Une u Smart Meter u treikam ha kano ka rukom?
3) Une u Meter thymmai u treikam ne em, lada ngim pyndonkam ïa u ? (U ïaid ne em u meter lada ngi pynlip lut ïa ki light ?
Phi ong ban kham pynsuk ïa ki nongpyndonkam. Suk ha kano ka rukom (Suk ban siew heh pat ka bill ?)
4) Balei kine ki meter ba ngi pyndonkam mynta ki long kiba ïap ne phi sngew duhnong maphi ?
5) Phi kwah ban pyntreikam da u meter thymmai u ban pynshitom jingmut ia ki paidbah ban pyniohnong tang ïa phi, ne kumno ?
6) Phim pat lah ban ai jingshai ïa ki paidbah kaba hun, phi thmu ban pyntreikam ïa une u meter thymmai bad ban leh da ka bor ?
Phi pynbeit ïa ki paidbah da kaba wanrah da kata ka scheme RDSS ban lait ei ka bai meter, hynrei phin ksih ïa u paidbah na pdot.
Namar kane ka ktah salonar ïa u paidbah, nga kyrpad ïa ki Seng Bhalang ryngkat ruh ïa ka Seng VPP ba ka bishar lem ïa kane ka bynta, namar kan ktah ïa u duk u sk wat ki riew paidbah ruh.
Jingkynthoh : Katkum ka jingsngewthuh barit jong nga, une u meter thymmai uba nang bha ban bamsap. Lada kam dei kumta, sngewbha weng noh ïa kane ka jingkynthoh jong nga.
