Aizawl, Nailar:
Ka Aizawl kaba dei ka nongbah jong ka Mizoram ka la shah ktah jur na ka jingjia twa khyndew ha kaba kawei na ki ïing kaba don ha Vaivakawn Zohnuai ka la khyllem noh ha ki khyndiat sngi ba la leit.
Naba ki jingtwa ki la rong noh ïa ka khyndew bad pynjem ïa ka, nangne ki la mih ki jingeh na ka jingshah khang lynti ki surok kiba la pynïasoh hapdeng ka Aizawl bad ka Mizoram University.
Ki nongleit jingleit ki la ïakynduh jingeh shibun ha kaba ki la hap ban ïaid da ka lynti kaba jngai ban poi sha ka skulbah.
Na ka por sha ka por ki ju don ki jinghap jong u slap uba jur, ka Mizoram ka la long kawei na ki jylla kaba la shah ktah jur na ki jingtwa khyndew, bad katkum ka kaiphot ba la phah da ka Directorate of Geology and Mining ha Mizoram la ïohi ba kumba ar na ka lai bynta na ki jingtwa khyndew ki la long na ka jingbym biang jong ki nala pynïaid um.
