Gangtok, Nailar:
Ka sorkar Sikkim ka la buh jingkyrpad sha ki nongshong shnong jong ka jylla ba ki dei ban ïasnohktilang ha ka jing-rakhe ïa ka ‘Har Ghar Tiranga’ Campaign da kaba kyntiew ïa ka lama ka ri naduh ka 13 tarik, Nailar haduh ka 15 tarik, Nailar.
“Ha kane ka Campaign, kaba la long ha baroh kawei ka ri la kyrpad ïa baroh ki nongshong shnong jong ka Sikkim ba kin ïasnohktilang ban rakhe ïa ka Har Ghar Tiranga Campaign da kaba kyntiew ïa ka lama ka ri ha ki ïing, ki jaka treikam bad ha kiwei pat ki jaka naduh ka 13 tarik haduh ka 15 tarik, Nailar,” la ong ka jingthoh ba la wan na ka tnat Lariti.
Ka la ong ba baroh ki jaka treikam jong ka sorkar bad ki riewshimet kynthup ki jaka pule, ki karkhana treikam.
Kumba la ïathuh ka tyllong khubor la ong ba nalor kine, ïa ki seng ki bym dei jong ka sorkar, ki jaka bam, ki jaka ïadie ïathied bad ki jaka treikam jong ki pulit, ki dei ban ïashim bynta ha ka ban kyntiew ïa ka lama lairong ha ki jaka jong ki khnang ban pynpaw ïa ka jingburom ïa ka ri.
