Jowai, Nailar 06:
Ka Mukhla Raij bad ka Dulong ki la jam sha ka quarter final jong ka lympung ïalehkai Independence Day Cup Under-17 ba la pynïaid da ka West Jaiñtia District Sports Association (WJDSA).
Ha ka jingïakhun pre-quarter final kaba la long ha ka sngi Saitjaiñ ha Kiang Nangbah Stadium Jowai, ka Mukhla Raij ka la pynliem noh ïa ka Lion da 3-2 kol.
Ïa ki kol jong ka Mukhla Raij la thep da u Edwin Suna ha ka minit kaba 11 bad u Guisldingstar Suna (31 & 60+1) u la thep ar kol. Katba ïa ki kol jong ka Lion la thep da u Nikhil Shylla (30) bad u Banker Lang Dkhar (53).
Haba phai sha ka jingïakhun kaba bud, ka Dulong ka la pynliem noh ïa ka Lumpariat da 1-0 kol. Kane ka nam jop ka la wan lyngba ka shi kol ba la kum thep bakla da u rangïalehkai ka Lumpariat, u Esalanme Bareh ha ka minit kaba 58.
