Shillong, Nailar 06:
Ka Risyon SC ka la jam sha ka quarter final ha ka Knockout Football Tournament ba la pynïaid da ka Ri Khasi SCSC. Kane ka wan urlong hadien ba pynliem noh ïa ka Shillong Lajong FC (reserves team) lyngba ka tie-breaker da 3-2 kol ha ka sngi Saitjaiñ ha Madan Kurkalang, Bhoirymbong.
Ha kane ka jingïakhun baroh ar ki kynhun ki la pyni ïa ka jingkhlaiñ bor bad haduh kaba kut ka jingïalehkai ki la ïakhaid mar 1-1 kol. Ha ka kylla step ka Risyon ka la ïoh ban pynkhih jar nyngkong eh lyngba u Tremiki Lamurong, hynrei dei ha ka minit kaba 88 ba ka Lajong ka la lah ban pynïakhaid kylla lyngba u Hamedamanbha Wahlang.
Ïa ka nam ‘Player of the Match’ la khur da u Tremiki Lamurong, uba la lah ban thep kol na ka bynta ka Risyon.
Kane ka lympung kan bteng biang ha ka 10 tarik ha kaba ka Benris FC kan ïakhun pyrshah ïa ka Galaxy FC (B).
