Riyadh, Nailar:
Katkum ki khubor la ong ba ka Saudi Arabia ha ka Sngi Ba-ar ka la pynbna ban phah ia ka mang tyngka ba haduh $1.2 Billion sha ka Presidential Council jong ka Yemen naka bynta ban iarap ban kyntiew biang ia ka ioh- ka kot jong katei ka ri ha kine ki sngi ban wan.
La ong ba watla ka jingïakynad hapdeng ki Houthis jong ka Iran ha North Yemen ka la sangeh naduh u senm ba la lah, hynrei ka sorkar Saudi ka dei khih ha Aden, ka la shah ktah ha ki jingeh kum ka jinghiar dor ka pisa jong ka ri bad kumjuh ruh pat ka jingkiew dor jong kiwei pat ki mar ba donkam ban shalan na shabar.
