Shillong, Nailar 07:
Ka FC Goa ka la pynbna ïa ki kyrteng jong 25 ngut ki rangïalehkai ban ïashim bynta ha ka Durand Cup 2023 kaba kynthup ïa u Aibanbha Dohling, katba u Brandon Fernandes un shimti kum u kapten.
Kane ka kynhun kaba don ha ka Group-D kan sdang ïa ka jingïalehkai kaba nyngkong pyrshah ïa ka Shillong Lajong FC ha ka sngi Ba-ar ha Indira Gandhi Athletic Stadium, Guwahati.
Kane ka kynhun ka la kynthup lang ruh ïa ki khyndai ngut ki rangïalehkai kiba la san na ka shlem ai jinghikai kynthup ïa u Rayan Menezes ïa uba la kyntiew kyrdan sha ka kynhun (first team).
Kane ka kynhun hapoh ka jingïalam u Manolo Marguez bad kaba la rah teng ïa ka nam lahduh ha ka Durand Cup jong u snem 2021, kan pynkhreh ruh ban ïakhun pyrshah ïa ka kynhun ïalehkai jong ka Indian Super League (ISL) ka NorthEast United FC ha ka 12 tarik bad ïa ka Downtown Heroes FC ha ka 16 tarik.
Kane ka Durand Cup kan dei ka snem kaba ar na ka bynta u Noah Sadaoui hadien ba u la lah ban thep 11 kol bad ïarap pynbuh bol 9 sien na ki 23 sien ïakhun jong ka aïom ba la dep. Ki rangïalehkai kiba dang shu dep soi thymmai ki long u Carlos Martinez, Victor Rodriguez, Paulo Retre bad u Odei Onaindia kin ïarap pynkhlaiñ ïa kane ka kynhun.
Kiwei pat kiba dangdep soi thymmai kum u Rowllin Borges, Udanta Singh, Sandesh Jhingan, Boris S. Singh bad u Raynier Fernandes kin ïadon bynta lang bad kane ka kynhun.
Ki rangïalehkai ka FC Goa ki ban ïashim bynta ha ka Durand Cup ki long:
Goalkeeper: Dheeraj Singh, Arshdeep Singh & Hrithik Tiwari.
Defender: Sanson Pereira, Sandesh Jhingan, Leander D’Cunha, Odei Onaindia, Boris Singh, Seriton Fernandes, Saviour Gama, Aibanbha Dohling, Jay Gupta & Rayan Menezes.
Midfielder: Raynier Fernandes, Brandon Fernandes, Ayush Chhetri, Udanta Singh. Rowllin Borges, Paulo Retre, Victor Rodriguez, Brison Fernandes & Muhammed Nemil.
Forward: Noah Sadaoui, Carlos Martinez & Devendra Murgaokar.
