Jowai, Nailar 07:
Ka Mulang Ïalong bad ka Evergreen Mukhla ki la jam sha ka quarter final jong ka lympung ïalehkai Independence Day Cup Under-17 Football Tournament ba la pynïaid da ka West Jaiñtia District Sports Association (WJDSA) ha madan Kiang Nangbah Ladthadlaboh, Jowai ha ka Lah Sngi U Blei.
Ha ka jingïakhun kaba nyngkong, ka Mulang Ïalong ka la pynliem noh ïa ka Luti Tuber Ïalong da 2-0. Ïa kine kol la thep da u Chalet Phawa ha ka minit kaba 53 bad u S. Pale ha ka minit kaba 57.
Haba phai sha kawei pat ka jingïakhun kaba bud, ka Evergreen Mukhla ka la pynliem noh ïa ka Mooknor Thadmuthlong da 2-0 kol. Ïa ki kol jong ka Evergreen Mukhla la thep da u Chwami Dkhar ha ka minit kaba 2 bad u Pynshaimiki Sana (40).
