Shillong, Nailar 07:
Kum shi bynta ban ïasnoh kti lang ha ka jingrakhe ïa ka sngi laitluid ka Ri India, ka shlem treikam u District Sports Officer (DSO), South West Khasi Hills kan pynlong ïa ka jingïakob mareh thong ba la tip kum ka ‘Independence Day Run 2023’ (open category) na ka bynta ki kynthei bad shynrang ka ban long ha ka 14 tarik mynta u bnai ha Mawkyrwat.
Ki nongjop ha kane ka jingïakob mareh kin ïoh pdiang da ka song pisa T.5000/- ïa kiba wan nyngkong, ba-ar kin ïoh T.3000/- bad T.2000/- ïa kiba wan balai. Kiba wan ha ka kyrdan ba saw haduh ba hynñiew kin ïoh mar T.1000/-. La pynkhreh ruh ïa ki khusnam ba kyrpang na ka bynta ki nongshim bynta kiba khynnah tam bad kiba la rangbah tam da ka song pisa kaba mar T.500/-.
Kat kum ka kyrwoh ba la pyllait da u Bah D. Syngkon (DSO), la ong ba kino-kino kiba kwah ban ïashim bynta kin wan ai ïa la ki kyrteng bad shim ïa ki Chest No. napoh ka shlem treikam u D.S.O ha Mawkyrwat ha lane shwa ka 11 tarik mynta u bnai bad yn ym pdiang shuh ïa kiba wan hadien. Ïa ki jingtip ba kham bniah ki lah ban phone ha u 9485446326 & 8837077969.
