Shillong, Nailar 08:
Ka Shillong Sports Association (SSA) ka la pynbna ba kan sdang noh ïa ka lympung ïalehkai Second Division Football League 2023 naduh 28 tarik mynta u bnai ha kane ka nongbah.
Ka kynhun ka ban khur ïa ka nam lahduh ha kane ka lympung kan ïoh T. 50,000 bad kaba wan ba-ar kan ïoh T. 25,000 nalor ki trophy.
Kane ka lympung ka long na ka bynta baroh ki kynhun kiba la don ha kane ka kyrdan. Ka bai rung kan long T.800 na ka bynta kawei ka kynhun bad ka bai pynrung kyrteng kan long T. 50 bad dei ban siew shwa ka 19 tarik.
