Shillong, Nailar 08:
Ka Malki Sports Club kan pynlong ïa ka Penal -ty Shootout ha madan Malki.
Ka Malki SC ha ka 11 bad 12 tarik mynta u bnai naduh ka por 10 baje mynstep.
Ka jingpynlong ïa kane ka jingïakop ka long shi bynta ban pynmih pisa ïa ka klob na ka bynta ka First Division Football League bad kumjuh ka First Division Cricket League jong ka aïom ka ban wan.
Ka song tyngka ha ka 11 tarik kan long T.10,000 na ka bynta kiba jop bad T.5000 na ka bynta kiba wan ba-ar bad ka bai rung ha kane ka sngi kan long T.500.
Ka song tyngka ha ka 12 tarik kan long T. 30,000 na ka bynta kiba jop bad T.10,000 na ka bynta kiba wan ba-ar bad ka bai rung ha kane ka sngi kan long T. 1000.
Nalor jong ka Penalty Shootout, ka klob kan pynlong ruh ïa ka Fete ha ka 11 bad 12 tarik mynta u bnai ha kaba ka Bumper Prize jong ka Housie kan long T. 50,000 ha ka 11 tarik bad T. 1 lak ha ka 12 tarik. Ka Housie kan sdang naduh 6 baje janmiet.
Na ka liang jong ka klob ka la wer ïa ki kynhun lane ki riew shimet sha ka Penalty Shootout. Ïa ki jingtip ba kham bniah ki lah ban phone ha ki number 8256983718 bad 6909564934.
