(Raibok Bareh, B.Com)
Hangno kata ka Hill State ? Ban ioh Hill State ngi donkam ki nongïalam kwah Hill State ym ki nongïalam kwah jop election.Baroh shi katta ngi shait iohsngew ïa ki jingïalap ha baroh ki dong ka ri ba ngi kwah Hill State bad u paidbah naba u thrang ban ioh Hill State u pynpaw ïa ka jingthrang da kaba thep ïa ki vote ha ki synduk Hill State.Ban shu iohsngew eh tang ïa ka kyrteng Hill State kam biang shuh namar ngi kum u paidbah ngi kwah ban iohi ïa kata ka Hill State.
Ban ioh ïa kano ka jingangngud bad jingkwah ngi donkam ban ïaleh ba iaid lyngba shibun ki jingeh. Kumjuh ruh ban ioh Hill State ngi donkam ban ïaleh bad ïaid lyngba kita ki jingeh kymjuh ruh ban ioh Hill State ngi donkam ban ïaleh bad ïaid lyngba kita ki jingeh kum ka um, ka ding bad ka snam. Namar balei ba ki Naga ki ioh Separate State dei naba ki ïaid lyngba kino kino ki jingeh bad ki pynpaw ha ka pyrthei ba ki kwah separate State. Katba nga lah ban pyrkhat ba ka Sorkar ha Delhi kyndiang ka peit bad bishar haba ngi pyrta “NGI KWAH HILL STATE” bad kaba kongsan eh ka peit bad bishar ka long la kumno phi kwah Hill State.Kaba ar pat ka long namar balei ba kito ki Candidate ba la jop ha kane ka General Election ba la lah da ki ticket Hill State ki khlem resign ka long tang naba ki kham shai khmat ban peit bad bishar la kiba kumno kita ki nongïalam kwah Hill State ngi don. Ban ioh Hill State ngi donkam ki nongïalam ki ba long ki nongïalam shisha (real leaders) bad ngi don kam sngewthuh ba ban ioh Hill State ngi don kam ban len ïalade.
Ngi kum ki paidbah ngi kwah ban iohi hynrei ym tang ban iohsngew ïa ka kyrteng Hill State.Ngi kwah ban iohi ba ki nongialam kin ïalam ïa ngi sha ka Hill State bad ym sha ka ïing Paki Dulan jong ki na ki ticket Hill State. Ngi dei ban kynmaw ba ka kam ka kren khamjam ban ïa ka ktien.
[U NONGSAIÑ HIMA (29 tarik Jymmang, 1963)]
