Jowai, Nailar 09:
Ka Lumchyrmang Mihmyntdu ka la khur ïa ka jingjop ha ka lympung ïalehkai Third Division Football Tournament na ka bynta ka 3rd Adelbert Memorial Trophy, hadien ba ka la pynliem noh ïa ka Nangbah Pohshnong da 2-0 kol ha ka sngi Balang.
Ha kane ka jingïakhun kaba la long ha Kiang Nangbah Stadium Jowai, ka Lumchyrmang Mihmyntdu ka la lah ban ïalehkai bha naduh kaba sdang ha kaba u Yobiang Bamon u la ïoh ban pynkhih jar nyngkong eh ha ka minit kaba 45 bad ïa ka kol ba ar la pynbud da u Pynchngaiñ Phawa ha ka minit kaba 49 na ka bynta ban khur syndon ïa ki lai point.
Ka jingïalehkai ha ka sngi Palei kan long hapdeng ka Tympang Club pyrshah ïa ka Madankynsaw Mookyndeng ha ka por 10:30 baje mynstep, ka FAM ïa ka Mookaswan Dongwah ha ka por 12 baje mynsngi bad ka Mukhla Umlangshor ïa ka Da i hi Mynsngat ha ka por 2 baje janmiet.
