Moscow, Nailar:
Ka Russia ha ka Sngi Palei ka la pynbna ba ka la ioh ban siat pynbthei biang ia 2 tylli ki drone jong ka Ukraine kiba leit poi shajan ka nongbah Moscow ha ka Sngi Balang. Kawei na kine drone ka dei kaba leit poi shajan ka kad liengsuiñ shaphang Shathie bad kawei pat sha Sepngi.
Ka tnat iada jong ka Russia ha katei ka sngi, ka la iathuh ba ki bor pahara jong ka Russia ki la ioh ban tehlakam noh ia ki kam thombor jong ka Ukraine lyngba jong ki ‘Unmanned Aerial Vehicles’ lane ki drone.
Shuh shuh ruh la ai jingtip shai ba ia kawei ka drone la ioh siat pynhap noh hajan Domodedovo, hajan jong ka Kad Liengsuiñ ba heh tam jong ka Russia bad kawei ka drone pat ka la leit poi bad la ioh siat noh hajan jong ka Minsk Motorway.
