Guwahati, Nailar:
Ka jingbym don ka jingkieng kaba bha ha ka wah Kopili ka la long ka daw kaba hakhmat eh kaba wanrah jingeh ïa ki briew jong ki ar tylli ki distrik kiba kynthup ïa ka West Karbi Anglong bad ka Hojai distrik hapoh ka jylla. Ki nongshong shnong jong kine distrik ki la hap ban pyndonkam da ki lieng ban ïaid lyngba na shiliang sha shiliang ka wah, ha kaba kane ka buh jingma bha ïa ki khamtam ha ka por ba jur slap.
Ki briew jong kane ka thaiñ da ka jingbym banse ki la hap ban pyndonkam da ki lieng ban ïaid lyngba ka wah Kopili kaba don hapdeng ka Sildubi Ghat kaba don ha West Karbi Anglong distrik bad ka Jamuna-Seat Ghat kaba don ha Hojai Distrik jong ka jylla. Kumba la sakhi, la ong ba wat ki khyllung khynnah kynthup ki khynnah skul, ki riewtymmen bad ki briew kiba pang da ka jingbym banse ki la hap ban pyndonkam da ki lieng haba ki donkam ban leit jingleit ne ban leit phah sumar.
Ka jingshlei jong ka um ha ka wah ka la buh jingeh ïa ki khynnah ba kin leit skul bad kumjuh ka la ktah ruh ïa kito kiba dei ban leit sha ki jaka trei jaka ktha ha kaba ki la hap ban shu shong ïing ne hap shong da ki lieng ha ryngkat ka jingtieng jingsyier.
