Shillong, Nailar 10
Ka Mawphlang SC bad ka Kharang SC ki la khur ïa ka jingjop na ka Group-B jong ka lympung ïalehkai SSA U-20 4th Division Football League 2023 ha ka Sngi Palei.
Ha ka jingïakhun kaba nyngkong kaba la long ha madan Third Ground (MFA Turf Polo), ka Mawphlang SC ka la pynliem noh ïa ka Mawreng SC lyngba ka shi kol ba la thep da u Franky Synrem ha ka minit kaba 52 na ka bynta ban khur ïa ka jingjop kaba nyngkong na ki ar sien ïakhun.
Haba phai sha kawei pat ka jingïakhun kaba ar, ka Kharang SC ka la jop da 2-1 kol ïa ka Nongkolew SC na ka bynta ban khur ïa ka jingjop ba ar na ki lai sien ïakhun.
Kane ka nam jop ka la wan urlong lyngba ki ar kol ba la thep da u Freelyson Tariang ha ka minit ba 40 bad u Labanstar Taro ha ka minit ba 70. Katba ka Nongkolew ka la pynphai kylla shi kol lyngba u Pynshailang Kharwanñiang.
Kane ka lympung kan bteng biang ha ka Sngi Thohdieng hapdeng ka Riatsamthiah SC pyrshah ïa ka Umsohsun SC ha ka por 3 baje janmiet ha madan Third Ground, Polo.
