Aizawl, Nailar:
Kum shi bynta ban pynpaw ïa ka jingsngew para briew, ka jylla Mizoram, ka la plie lad ïa ki khynnah poi wir bad ki bym don jaka sah shuh, ha kaba ïadei bad ki jingkyrshan ha ka ban pynïoh ïa ka jingnang jingstad bad kumjuh ki jingdonkam jong ki.
Kumba la ïohlum jingkheiñ la ong ba ki la don palat 8,000 ngut ki khynnah kiba dei na Myanmar, Bangladesh, bad ki bynta ba marjan bad ka Manipur kiba la ïoh jingïarap lyngba ki skul kiba ha Mizoram.
U Lalchhandama Ralte, uba long u Myntri ba dei khmih jong ka tnat pule-puthi ha Mizoram, u la pynsngew ba ki la don kumba 6,366 ngut ki khynnah skul kiba na Myanmar, 250 ngut na Bangladesh, bad 1,503 ngut kiba ha ka jylla kiba la wan na Manipur kiba pule ha ki skul ha ka jylla.
Ha kaba ïadei bad ki jingpyntreikam ba la wanrah da ka sorkar, kine ki khynnah ym tang ba ki ïoh ka lad ban pule ha ki skul, hynrei ki la shah pynbiang ruh ha kaba ïadei bad ki jingdonkam jong ki kiba man ka sngi, kynthup ki Uniform, ki kot bad ki jingbam sngi.
