C. B. Iawphniaw
Kane ka rukom ai jait kmie ïa ki khun na ki kpa bym dei Khasi ka long kaba beaiñ beriti bad ka iuhroit ïa ka dustur ka riti u Khasi.
U Khasi mynshuwa u mana tyng-eh ïa ki kynthei ban ïa shong-kha bad ki bar jylla. Hynrei mynta ym tang ki ia shongkha bar jylla hynrei ki la nud ban ai ïa ka jait ka kur jong ka kmie ha ki khun ki bym dei kpa Khasi.
Mano ba ai ïa ka jait jong ka kmie ha ki khun bar jylla, dei hi ka kmie kaba pun ba kha ïa ki. Ki sngew-shlur ba ka dustur ka riti ba la pruid dak u longshuwa manshuwa ki ai jait ai kher ia ki khun ha ka kmie. Dei kane ka daw ba mynta ym lah leh ei ei shuh ban pynkylla da kumwei pat bad kam ïahap shuh namar ki la bud ïa ka dustur ka riti ai jait kheiñ jait na ka kmie. Kumta ïa ki khun kpa Negro, kpa China, kpa Kharmetor, kpa phareng bad kiwei kiwei ki ai jait beit ha ka kmie. Kane ka long ba ki la iuhroit ïa ka hok bad ïa u symbai nylla jong u kpa Khasi. U Symbai Khasai nylla un sa duh jait u symbai poi ei nongwei un sa bun paid ha ka jaitbynriew Khasai Khara.
