Beijing, Nailar:
Ki pulit ka Ynnan ha ka Sngi Balang ki la iathuh ba 2 ngut ki briew ki la khlad ha shen katba 7 ngut kiwei pat ki la mynsaw hadien ka jingjia shah dung tari ha ka Sngi Ba-ar hapoh ka thaiñ Yunnan jong ka China.
Ha katei ka jingjia, la ong ba uwei u samla 20 snem, uba don jingshitom ha ka bor pyrkhat, u la shim ia ka tari bad dung nyng-kong eh ia ka kmie lajong ha iing. Hadien kata u la phet na la iing ban leit dung sa 8 ngut kiwei pat kiba u iakynduh na katei ka jingkhie lamwir.
Napdeng kitei, 2 ngut ki dei kiba la mynsaw jur bad ym shym lah shuh ban pyllait im ia ki ha ka por kaba biang bad kumta ki la khlad noh tang hadien khyndiat por.
Katba, ia kitei ki 7 ngut pat dang sumar hapoh ka jaka sumar hadien ba ki la mynsaw na katei ka jingshah dung tari ha katei ka jingjia.
