Khliehriat, Nailar 11
Ka SWO Moosianglamare old bad ka Dkhiah East ki la khur jingjop ha ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association (EJHDFA) ha madan EJHDFA Artificial Turf, Deinshynrum, East Jaiñtia Hills District ha ka sngi Thohdieng.
Ha ka jingïakhun kaba nyngkong, ka SWO Moosianglamare old ka la pynliem noh ïa ka Wapung Skur SWO (FT) lyngba ka shi kol ba la thep da u Solmon Sympli ha ka minit kaba 51.
Ha ka jingïakhun kaba bud, ka Sonapyrdi SC bad ka Nongsning SC (FT) ki la ïasam mar shi point hadien ba ïakhaid mar 1-1 kol. Ïa ki kol la thep da u Kitbok Sutnga ha ka minit kaba 32 bad u George Muksor ha ka minit kaba 55.
Haba phai sha ka jingïakhun kaba khatduh, ka Dkhiah East SC ka la pynliem noh ïa ka Mookympad SC (FT) lyngba ka shi kol ba la thep da u Meviriki Lyngdoh ha ka minit kaba 34.
Kane ka lympung kan bteng biang ha ka 14 tarik hapdeng ka Khilehmyntriang SC pyrshah ïa ka Moopyniein SCSO ha ka por 10 baje mynstep, kumjuh ka Cham Cham SC ïa ka Tubershohshrieh SC ha ka por 12 baje bad ka Wahsanphaw SSC ïa ka Umlong United ha ka por 2 baje nohphai sngi.
