Washington, Nailar:
U President ka United States, u Joe Biden, ha ka Sngi Palei u la kyntu ia ka Congress ba kan pynmih pisa shuh sa kumba $13 Billion naka bynta ban phah biang sha ka tnat shipai ka Ukraine, kum shi bynta ban ai jingkyrshan ia ka Ukraine hapdeng ka jingshah hiar thma dusmon jongka ha ka Russia mynta la shi snem tam.
Namar la ong ba ka Ukraine ka donkam ia ka jingkyrshan bad ka donkam ruh ia ki jingiarap bad jingnoh synñiang jong ki para marjan ri namar ka Russia ka long ka ri kaba khlaiñ bor bad ka Ukraine kam pat lah ban kot bor kumba long ka Russia lada ym don nongkyrshan ia ka.
