Shillong, Nailar 11
Ka Mawreng SC, Umphyrnai SC, PFR Football Academy bad ka Mawlai SC ki la long ba la pynkhreh ban ïakhun ïa ka semi final ha ka lympung ïalehkai Under-14 Boys League 2023 ba la pynïaid da ka Shillong Sports Association, ka ban long ha ka sngi Saitjaiñ ha SSA Stadium.
Ha kane ka jingïakhun semi final ka Mawreng SC kan ïakhun pyrshah ïa ka Umphyrnai SC ha ka por 2 baje noh phai sngi, katba ka PFR Football Academy ïa ka Mawlai ha ka por 3:45 janmiet.
Ha ki jingïakhun quarter final kiba la long ha ka taïew ba la dep, ka PFR ka la pynjem khnap ïa ka Sohryngkham SC da 12-0 kol, kumjuh ka Umphyrnai SC ka la jop da 8-0 ïa ka Rangdajied United. Ka Mawreng SC ka la jop ïa ka Nangkiew Irat SC da 4-0 kol bad ka Mawlai SC ka la pynliem noh ïa ka Mawkriah West SC da 3-0 kol.
Kumta, ki kynhun ki ban khur ïa ka jingjop kin ïoh rung sha ka final ka ban long ha ka 19 tarik mynta u bnai na ka bynta ban ïaknieh ïa ka nam lahduh.
