Shillong, Nailar 13
Ka Lamlynti Football Club ka la khur ïa ka jingjop ha ka lympung SSA U-20 4th Division Football League 2023, ba la pynlong da ka Shillong Sports Association (SSA) ha madan MFA Turf Polo.
Haba phai sha ka jingïalehkai, ka Lamlynti FC (Madanlyngkhi) ka la lah ban pynliem noh da 2-0 kol ha ka jingïakhun pyrshah ïa ka Lummawbah Sports Club. Ïa kine ki ar tylli ki kol jong ka Lamlynti la ïoh ban thep da u Ricky Mawlong ha ka minit kaba 48 bad u Pyrkhatjanai Kharkongor ha ka minit kaba 70.
Lashai ka sngi, ka 14 tarik pat ki jingïalehkai ha kane ka lympung kin long hapdeng ka Laitkroh Sports Club pyrshah ïa ka Mawkroh West ha ka por 2 baje nohphai sngi bad ha ka por 4 baje janmiet pat ka jingïakhun kan long hapdeng ka Diengpasoh Sports Club pyrshah ïa ka Mawlyngngad Sports Club ha madan SSA Stadium, First Ground, Polo.
