C. B. Iawphniaw
Ka ai jait kpa ka dei na u symbai u rnai bad ka long kaba dei eh ban shim na u symbai kum ka pateng ka jaitbynriew nylla. Kum ka nuksa lada phi thung u symbai kba u mih hi u kba. Lada phi thung u symbai riewhadem u mih hi u riewhadem. Katba ka ai jait kmie kam long kumta, namar ka kmie ka long kum ka khyndew, lada phi bet ïa uno uno u jait symbai un mih hi uta u symbai ba bet. Lada ka kmie ka ioh lok (tnga) da u phareng ki khun kin bit ïa u kpa phareng. Lada phi ioh lok da u khar Madras ki khun ki bit ïa u kpa Madras. Lada phi ioh lok Negro dohiong ki khun ki bit ïa u kpa Negro ba iong sniehdoh. Te ka jingong ka KHADC ka ai jait kmie ka pynneh ïa ka dustur ka riti ka long tang ka rymmiang ka bym ïa hap haei haei ruh. Haba ki khun kpa Dkhar kin ai jait kmie shano kan iahap. Katba ïa ki khun na ki kpa Khasi keiñ ki dei hok ban pynneh ïa ka tynrai ka kur ka jait ka jaitbynriew Khasi paka, namar ym don jaitbynriew ha pyrthei bym tip kur tip kha kiba ai jait kpa ki don ki kur ki kha ym dei tang kiba ai jait kmie.
Kaba ai jait kpa ki tip ïa ka tynrai pateng la pateng ka jaitbynriew. Namar ki shim na u symbai jong u kpa, bad kim don ka sang ka kma kum ha kaba shim jait kmie. Kaba shim jait na ka kmie ka don ka shongsang lada phi wad ïa ka jingshisha. Shu buh u kpa Khasi u ioh lok (tnga) san ngut na ki kynthei ba ïapher ka jait ka kynja. Ki khun kiba mih na u symbai kpa kin dei kajuh ka snam, ki ïa dei shipara trai watla ka kmie (kynthei ka iapher). Te hadien ba kine ki khun ki la heh la san ki ïa dei ka por ba kin shim ïa ka jinglong kpa jinglongkmie. Te kam don jingma ba kine ki khun kin ioh ïa shong-kha shipara na ujuh u kpa namar kim tip namar ki don ha la ka jait ka jait ba iapher jong ki kmie. Hynrei lada ai jait kpa na ki khun na uta u kpa ki san ngut ki lok (tnga) kin tip shai ba ki ïa dei shipara trai na ujuh u kpa ki mih. Ka ai jait kpa kam pynkulmar ïa ka jaitbynriew hynrei ka sait khuid phar ïa ka jyrsieh bad ïa ka sang ka ma ba ioh na kaba ai jait kmie. Kane ka long kaba shai ba ka ai jait kpa ka kham bha ban ïa ka jingai jait sha ka kmie.
