Agartala, Nailar:
Ki shipai jong ka tnat Assam Rifles bad ki pulit jong ka Tripura, ha ka jingïatreilang ki la ïoh ban kem ïa arngut ki briew kiba la khaïi Ganja. Ïa kine arngut la ïoh ban kem ha ka sngi Thohdieng ha Ambassa kaba don ha Dhalai distrik jong ka Tripura.
Ïa u Ganja uba don ïa ka jingkhia kaba 257 kilo, bad uba la kot sha ka T. 1 klur kumba la antad la ïoh ban kurup da ki shipai ha Ambassa kaba don ha Dhalai distrik jong ka Tripura.
Ïa kine kiba la shahkem ha ryngkat ki jingdih pynbuaid ba la ïoh ban kurup la aiti sha ki pulit jong ka Ambassa kaba don ha Tripura. Ka jingtohkit ha kaba ïadei bad ka jingjia ka dang ïaid shakhmat.
