Moscow, Nailar:
Ki bor pyniaid jong ka Russia naduh ka Sngi Thohdieng, ki la khang khyrdep noh ia kumba katto katne ki Kad Liengsuiñ jong ka ri hadien ba la sakhi ia ka jingthmu leit thombor ki drone na Ukraine.
Kumta, ki bor pyniaid ha katei ka sngi ki la pynsangeh noh ia ki liengsuiñ ha ka Kad Liengsuiñ ha Vnukovo namar ki jingma kiba ap na ka jingleit thombor jong ki drone na Ukraine. Hynrei, don pat katto katne ki liengsuiñ kiba la shah pynkynriah noh sha kiwei pat ki Kad Liengsuiñ kiba kham shngaiñ ban pyntreikam bad ban kit ia ki nongleit- nongwan. La ong ba ka Ukraine ha kine ki sngi, ka la phah ia ki drone ban leit thombor sha Russia na ka por- sha ka por, kum shi bynta ban pynhiar kput ia ki jingleh jong ka Russia.
