Kahului, Nailar:
Ki bor pyniaid jong ka Hawaii ha ka Sngi Ba-ar, ki la ai jingkheiñ biang halor ka jingdon jong kiba khlad na ka jingpluh ki khlaw ha ki khyndiat por ba la leit bad la ong ba ka jingiap jong ki briew hapoh Hawaii na ka jingpluh ki khlaw ha US ka la poi sha ka 106 ngut tad haduh katei ka sngi.
Watla katta, ki heh ka Hawaii ki iathuh ba ka jingkheiñ ba pura ba la ioh jingtip shai halor kiba khlad na katei ka jingjia ka long kumba 100 tam. Hynrei ka la maham ruh ba ka jingdon kiba khlad kan nang kiew katba ki kynhun wad bniah ha ryngkat ki ksew bud dien, ki dang leit jurip bad leit wad bniah sha kitei ki shnong kiba don da ki spah tylli ki iing briew kiba la ingkhong bad kumjuh ruh na ki kali ba la iing kiba don ha ki surok bad ha ki lynti- ki synkien.
Napdeng ki thaiñ kiba la shah ktah ha katei ka jingpluh khlaw, ka shnong ba don ha ka dew lynnong Maui ka dei kaba la shah ktah jur bha bad kaba la jot thiaw ha katei ka ding.
Hynrei kaba sngew lyngngoh ka long ba balei kawei ka ‘siren’ ruh kam shym riew ne ai jingtip halor kitei ki jingjia.
