London, Nailar:
Ki bor pyniaid ka Britain ha ka Sngi Ba-ar ki la pyntip ba ki la ioh ban kem noh ia 3 ngut ki briew, ba la suba nongsyntiat jong ka Russia bad kaba la wanrah jingma ia ka ri lada ym wad bniah ia ka jingthmu jongki.
Kitei ki 3 ngut ki dei ki nong Bulgarian bad la suba ba ki iadon bynta bad ki tnat syntiat jong ka Russia.
La ioh bat noh ia ki ha u Rymphang hapoh ka Official Secrets Act, da ki nongsyntiat jong ka tnat ‘Counter-Terrorism hapoh ka nongbah London.
Hynrei, ki pulit kim shym la pynshai eiei halor ka jingioh kem bad jingsuba sniew ia kitei ki 3 ngut ha katei ka por ba la kem bad rah noh ia ki naka bynta ki jingtohkit bniah.
