Moscow, Nailar:
Ha katei ka jingjia, la ong ba 12 ngut ki la duh ei la ka jingim ha ka jingbthei bad jingkem ding ka jaka theh umphniang kali hapoh Caucasus Republic jong ka Dagestan hapoh Russia, kaba la jia ha ka Lah Sngi U Blei.
La ong ruh ba kumba 60 ngut ki briew ki la mynsaw na katei ka jingjia ha katei ka sngi bad 12 ngut napdeng jong kitei kiba mynsaw, ki la khlad noh namar katei ka jingkem ding ha Makhachkala.
Katkum ka khubor na ki nongsakhi kiba don ha katei ka jaka, la ong ba katei ka ding ka la pur na kawei ka jaka ba don ki kali ba pynieng hajan jong katei ka jaka theh umphniang ‘Petrol Station’.
Hynrei, hadien ba ka ding ka la ioh ban pur stet sha katei ka jaka, kynsan ka jingbthei kaba jur ka la mih bad baroh ki la kyndit bynriew bad kim iohi eiei shuh hynrei sa tang ka ding kaba klang bad ka tdem kaba rben kaba mih na katei ka jaka ha katei ka sngi.
Katei ka ding ka la bam ia kumba 600 Square Metre ka jaka lane kumba 6,450 Square Feet bad kumba 260 ngut ki dkhot jong ka kynhun pynlip ding ki la leit ban iakhun ban pynlip ia katei ka ding ha katei ka sngi.
