Moscow, Nailar:
Ka Russia ha ka Sngi Balang, ka la pyntip ba ka la ioh ban siat iap ia 4 ngut ki shipai ka Ukraine kiba leit ban rung jubor shapoh u pud- u sam jong ka Russia ha Bryansk ha ka sngi ba la lah.
Katkum ka jingpyllait khubor jong ka Russia, ki bor pyniaid ka Russia ki la ïaroh ia ka jinglah jong ki bor pahara ka ri ban tehlakam ia ka jingleit rung be-aiñ jong ki bor ba nabar shapoh u pud- u sam jong ka ri.
Ki bor pyniaid ka Russia, ki la pyntip ba ha ka step Sngi Ba-ar, ki don katto katne ki shipai jong ka Ukraine kiba thmu ban leit rung jubor sha Russia lyngba ka phang North jong ka bynta khappud ka Ukraine bad Russia, hynrei la ong ba da ka jingtrei shitom jong ki bor pahara la lah ban tehlakam noh ia ka jingthmu jingki ha katei ka sngi.
