Imphal, Nailar:
Ka jinghap jong u slap uba jur ka la wanrah ïa ki jingtwa khyndew bashyrkhei ha Noney distrik kaba don ha Manipur, ha kaba kane ka la khang ïa ka surok bah Imphal-Silchar ha kaba ki la don kumba 500 tylli ki kali kit mar kiba la sahkut, la ïathuh ki heh ba dei khmih hynnin ka sngi.
Ka jingtwa jong ka khyndew ka la jia ha ka National Highway 37 kaba don hapdeng ka Irang bad ka Awangkhul part 2, Khongsang bad Awangkhul, bad ha ka shnong Rangkhui ha ka sngi Balang, ki la ïathuh.
Ka jingpyntreikam mynta ka dang ïaid shakhmat khnang ban lah ban pynkhuid ïa ka jingtwa na ka surok khnang ba ki kali kin ïoh ban ïaid bad leit sha ki jaka ba ki thmu ban leit, la ïathuh ki heh ba dei khmih.
Ka jinghap jong u slap uba khlem sangeh ha kine ki khyndiat sngi ba la leit, ka la wanrah ïa ki jingtwa khyndew, ki la ong. Ki la don kumba 500 tylli ki kali kit mar kiba la sahkut lynti ha kiba bun ki bynta jong ka surok bah namar ka jingtwa khyndew, ki la bynrap.
