Shillong, Nailar 17
Ka Meghalaya Football Association (MFA) ka la shim ïa ka rai ban weng noh ka jingithuh ïa ka Thadlaskeiñ Sports Association (TSA) na ka daw ba ka la pynkheiñ ïa ki riti pynïaid phutbol jong ka MFA.
Te kumta ka kyrwoh ba la pyllait da u D. Ryntathiang, Acting Secretary ka MFA lem bad u CEO u Bah Arki Nongrum, la ong ba ki la don ki synjuk ïalehkai shimet kiba la shim ha ka kyrteng jong katei ka synjuk ban pynïaid ïa ki lympung ïalehkai ha katei ka thaiñ. La ong ka synjuk kan ym lah ban ithuh shuh ïa ka TSA bad wat ïa ki lympung ïalehkai kiba la pynïaid da kane ka synjuk.
Ka MFA ka la kyntu ïa baroh kino kino ki synjuk kiba don jingthmu ban kyntiew ïa ka phutbol ha ka thaiñ Thadlaskeiñ ba ki dei ban pynthymmai shwa ïa ki nongkitkam hapoh ka synjuk ïalehkai jong ka TSA bad ruh ban pynïasoh biang sha ka MFA.
