Shillong Nailar 17
Ka synjuk ïalehkai chess ka pyrthei ka la maham jur ïa ki ’rang leh kynthei ba kin ym ïoh ïashim bynta ha kino-kino ki lympung ba la ïoh jingithuh da kane ka synjuk tat haduh ba kin da lah ban pynkylla ïa ka jinglong jong ki.
Ïa kane ka rai la shim da ka International Chess Federation lane ka World Chess Federation (FIDE) ha nongbah Lausanne kaba ha Switzerland. Kane ka long hadien ba la mih ki jingkynthoh na kiba bun ki kynhun bad kiwei kiba la ai jingkyrshan ïa ka hok jinglong kynthei shynrang.
Ka FIDE ka la ong ba ki dkhot ka synjuk ki la ithuh hadien ka jingkyrpad ki nongïalehkai kiba dei ki ’rang ’thei bad ka jingïashim bynta ki ’thei leh shynrang kan shong ha ka jingkhmih bniah ha ki ar snem.
“Ka jingpynkylla ïa ka jinglong kynthei shynrang kan shong ha ka jinglong ki nongïalehkai ha ka lawei ka ban wan, te kumta kane kan shong tang ha ka jingleh ban pynshisha,” la ong ka synjuk.
Ka la ong ruh ha kaba ïadei bad ka jingpynkylla na ka jinglong shynrang sha ki kynthei kin ym lah ban ïashim bynta ha ki lympung ba la ithuh da ka FIDE bad wat ha ki lympung jong ki kynthei kan shong shwa ïa ka rai jong ka FIDE,” ka la bynrap
“Lada ki nongïalehkai ki pynkylla ïalade na ka jinglong shynrang sha ka jinglong kynthei, kin shah weng noh ïa baroh ki jingjop ba ki la khur teng,” la ong kane ka synjuk.
Wat la katei ka synjuk ka la pynmih ïa katei ka hukum, hynrei ym pat don ki ban buh jingkylli ïa katei ka synjuk.
Kham hashwa, ka synjuk ïalehkai International Cycling Union ka la ïasoh lang bad ka synjuk ïalehkai athletics lem bad ka Swimming Federation kiba la pynpaw halor katei ka mat ka jinglong kynthei shynrang.
Ha u bnai ba la dep, ka cycling federation ka la weng noh ïa uwei u shynrang ba pynkylla kynthei ïalade ban ïashim bynta ki lympung ïakop jong ki kynthei.
