Jowai, Nailar 18
Ka lympung ïalehkai Second Division Football Tournament kaba tip kum ka “6th Debo Shullai Memorial Trophy” ba la pynïaid da ka West Jaiñtia District Sports Association (WJDSA) kan sdang ha ka 22 tarik mynta u bnai ha madan Kiang Nangbah Stadium Ladthadlaboh, Jowai.
Ha kane ka lympung yn wan ïashim bynta da 16 tylli ki kynhun ka ban phiah ha saw tylli ki Pool kata Pool A, B, C bad D.
Ha ka Pool-A ki kynthup ïa ka Chilliangraij, NSA, Mooknor Thadmuthlong bad Lion. Ha ka Pool-B, ki long ka Shangpung Khliehmuchut, Pynthorlangteiñ, Panaliar bad Ïawmulong Nartiang.
Ha ka Pool-C ki kynthup ïa ka Maitchaphrang Mowtyrchiah, Caroline Colony, Nangbah Dukhu bad Khliehmyngkrem. Katba ha ka Pool-D ki long ka Chutwakhu, Dongmihsngi, Lumpariat bad ka West Madan Mustem.
Ki jingiakhun ki ban long ha katei ka sngi kin long hapdeng ka Maitchaphrang Mowtyrchiah pyrshah ïa ka Caroline Colony ha ka por 12 baje mynsngi, katba ka Nangbah Dukhu kan ïakhun pyrshah ïa ka Khliehmyngkrem ha ka por 2 baje janmiet.
