ïa ka dur jong ka Ri bad ka Jaidbynriew lah ban ithuh na ki Nongïalam jong ka Ki nongïalam ki don ka bynta kaba khraw ban ïalam bad ma ki ki long ruh ka nuksa kaba im, la ha ka ïaid ka ïeng, ka kren ka khana bad ha ki jingtrei kam kiba pher bapher, la ka long ha shnong ha thaw ne ha ka jingiadei bad u tei u thie bad u rum u neng. ïa ki rangbah jong u paidbah kiba mihkhmat ha ki Dorbar Thaw Aiñ kiba pher, bapher, la ju jied thymmai man la ka san snem. Ym lah ban dawa lane ban khmih lynti ba u paidbah un jied sa jied ïa ki juh shi ki juh ki Nongïalam. Ka shong shibun ha ki por, ki jingjia bad ki jingdawa jong ka kam. U Churchill, u Khla Ka Wait jong ka Ri Bilat ha ka Thma Bah kaba Ar, hadien ba u la jop thma u la rem ha ka General Election. Lada la pynshong nongrim ha ka jingsngew te la dei ban jied beit ïa u Churchill ban long u Prime Minister jong ka Ri Bilat. Hynrei kaba phylla ka long ba u nong Bilat u la sngew dei pynban ban ai shongthait ïa Churchill bad pynjop ïa u Attlee. Ki jingjop bad jingrem kim long ei ei, namar dei ban ia jop ia rem shiliang shiliang. Hynrei ka Burom te ka dei ka jong u nong Bilat namar ka General Election kam shym la ïaid lyngba ka lynti kaba tngit, kaba jakhlia bad kaba pynjahburom ïa u nong Bilat. Ka long kaba sngewsih ba don teng teng ki briew ba tang na ka bynta ban jop lane ban ioh bat ïa u paidbah, ki thok ki lamler ki pynbieit da kumne kumtai bad teng teng ki pyndonkam bakla wat ïa ka kyrteng “Blei” hi ruh. Kaba donkam eh ïa kito kiba kwah ban mihkhmat na ka bynta u paidbah ka long ba kin mut ia kaba bha, kin kren ïa kaba shisha bad kin leh ïa kaba dei, kiba nud ban ong “EM” ïa kaba dei ban ong “EM” bad kiba nud ban ong “Hooid ïa kaba dei ban ong “Hooid.”
U Abraham Lincoln uwei na ki President jong ka America u ong “Phi lah ban thok ïa ki katto katne ki briew baroh shirta bad ïa baroh ki briew katto katne por hynrei lah thok ïa baroh ki briew baroh shirta.
[U Nongsain Hima, 1979]
