Paris, Nailar:
Ki bor pyniaid ka Paris ha ka Sngi Palei ki la pynbna ba ki la ioh kem noh ia uwei u briew uba kynthih nalor Eiffel Tower da ka ‘Parachute’.
La ong ba utei u briew u la leit rung sha katei ka jaka ha ka por kumba 5 baje mynstep, shwa ka por ban plie ia katei ka jaka.
Ha katei ka step, ki la don ki nong-ap pahara jong katei ka jaka kiba la ioh bat bad kiba khang ia u ban rung, hynrei la ong ba utei u briew u la rung jubor bad u la ioh ban kiew shaduh ka bynta ba shajrong duh jong katei ka jingtei bad u la ioh ban kynthih noh hashwa ba un shah bat ha ki bor pyniaid jong katei ka jaka.
Ha katei ka sngi, utei u briew u la leit hap pat ha kawei ka stadium, ha kaba u la shah kem noh namar ka jingleh jong u ka wanrah jingma ia ka jingim jong kiwei pat.
Utei u Eiffel Tower, u long ka jaka jngoh kai ba ki nongjngoh kai pyrthei ki sngewtynnad tam ban leit kai bad la don kumba 5.9 Million ngut ki nongleit shang kai pyrthei kiba la leit poi sha katei ka jaka hapoh jong u snem 2022.
