Shillong, Nailar 18
11 ngut ki ‘rang bad ‘thei ïakhun kti (arm wrestler) ka Jylla hapoh ka synjuk jong ka Meghalaya Arm Wrestling Association, ki la shah jied mynta ka kynti ban mihkhmat ïa ka ri India sha ka World Championship, ka ban sdang naduh 24 tarik mynta u bnai haduh 3 tarik u Nailur ha Kazakhstan.
Kaba sngewtynnad hangne ka long ba u Banbatjubab Khongwir u la shah jied syndon ban long kum u kapten ïa kane ka kynhun ïalehkai ka ri ka ban ban leit sha Kazakhastan.
U President ka MAWA haba ïakren Bah Junestar Kharbuli ïathuh ïa ka jingsngewkmen ban shem bad ïohi ba ka Jylla kan ïoh ïa kat kane ka kabu ksiar ban shah jied haduh 11 ngut na ka bynta ban mihkhmat ïa ka ri India.
Te kumta une u nongïalang ka MAWA um lah khlem da ai khublei ïa ka jinglong la kloi naduh u Myntri Rangbah u Conrad K. Sangma, u Myntri ka tnat ïalehkai u Bah Shakliar Warjri, u Dr. Vijay Kumar D, Commissioner Secretary, Kong Isawanda Laloo, Director ka tnat ïalehkai bad kumjuh ki riew kylluid mynsiem kiba ju ïai kyrshan ïa ka synjuk na kawei ka por sha kawei pat.
