Shillong, Nailar 20
Ka Meghalaya State Kick-boxing Association (MS-KA) ka la ïoh ban sei ïa ki khynnah ïalehkai Kick-boxing na ka bynta ban leit ïashim bynta sha ka lympung Wako India Na-tional Kickboxing Cham-pionship 2023 kaban long ha Ranchi, Jharkhand naduh 23 bad kut haduh ka 27 tarik u Nailar, 2023.
Ïa kine ki khynnah ka MSKA ka la ïoh ban sei lyngba ka lympung ba ka la pynlong ïa kaba la tip kum ka Meghalaya State Level Selection Trial Cum-Training Camp for Cadets and Junior cum training camp, ha Aiom Ksiar Martial Arts Aca-demy kaba don ha Nong-rah Nonglum kaba la sdang naduh ka 14 bad kut ha ka 19 tarik mynta u bnai.
Ki nongleit ïashim bynta ki don baroh 20 ngut ryngkat bad ki Team Coach, Team Manager bad Referee kynthup ruh ïa ki Official ka MSKA.
Ha kane ka sngi pyn-kut la ïadon ryngkat lang u Bah Teddy Kharshandi uba long u Secretary ka TMC Nongthymmai Con stituency uba la long u kongsan, u Bah Ksanbok Nongkynrih, Vice Presi-dent jong ka TMC Youth Wing Nongthymmai Constituency, u Bah Larry Warjri, Working President ka MSKA ryngkat lang bad ki kmie ki kpa.
Ki ban ïalam ïa katei ka kynhun ban leit sha Ranchi ki kynthup ïa ka Team Coach, Jezerel Sangma, Assistant coach Indahun Iawphniaw bad Shaiborlang Lyngdoh team refree coach.
Haba kren sha ki lad pathai khubor u Bah Larry Warjri u la ïathuh ha kaba ïadei bad ka kam referee ha ka jylla North East ka duna bha bad ïa mynta ka la long ka jing-kyrkhu ïa ka jylla ha kaba mynta la ïoh 7 ngut ki refree na ka jylla bad ki la poi haduh ka international level ha ka Kickboxing bad ïathuh ruh naduh ba la sdang ïa ka kickboxing naduh u snem 2017 haduh mynta bun tylli ki medal ki la wanrah ïa ka jylla.
Ki 20 ngut ki khynnah kiba la shah jied ban mihkhmat ïa ka jylla ki kynthup ïa u Kyrshan Dkhar, Thanggoulian Maniun, Lumjingsuk Iaw-phniaw, Raymond Jyrwa, Anthony Kharkongor, Gavin Albert Kharchandi, Nathaniel Hubert Khar-chandi, Anjosti Khongwir, Wansuklang Khyllep, Mebankitbok Mynsong, Winningstar L Nonglait, Isapynbiang Lyngdoh, Phrangsngi Sohtun, Caress Syad, Enboklang Syiemlieh, Rehana Syiem -sad, Dajied Kyrpang Synjri, Hilary Wahlang, Banpynkhraw Warshong bad Ryan Mukhim.
