Guwahati, Nailar:
Kum shi bynta ban nang pynbha shuh shuh ha kaba ïadei bad ka jingtreikam jong ki rel ha thaiñ Shatei Lam mihngi bad Assam, kumba T. 10,269 klur ka pisa la mang ha ka dorbar mang tyngka ba dang shen jong u snem 2023-24.
Kane ka la kiew da 384% haba ïanujor bad ka jingmang tyngka kaba la long da T. 2,122 klur ha ka dorbar mang tyngka kaba la long ha u snem 2009-14.
Ha ryngkat kiwei pat ki jaka sangeh rel ba la jied na kiwei pat ki bynta jong ka ri, ki la don kumba 32 tylli ki jaka sangeh rel ha Assam ki ban sa ïohpdiang ïa ka jingpyntreikam hapoh ka Amrit Bharat Station Scheme ha ka jinglut kaba T. 990.2 klur.
Ki 32 tylli ki jaka sangeh rel jong ka Assam ki ban shah pynbha ki kynthup ïa ka Dhubri, Fakiragram Jn, Kokrajhar, Gosaigaon Hat, Gauripur, Lumding Jn, New Haflong, Diphu, Chaparmukh Jn, Jagiroad, Sarupather, Narangi, Hojai, Lanka, New Karimganj Jn, Arunachal, Rangapara North Jn, New Bongaigaon Jn, Rangiya Jn, Mariani, Dibrugarh, Jorhat Town, Makum Jn, Margherita, Amguri, Naharkatiya, Tinsukia, Duliajan, Simaluguri, New Tinsukia, Namrup bad ka Sibsagar Town.
