Aizawl, Nailar:
Ki la don kumba 47 ngut ki briew kiba kynthup ïa phra ngut ki kynthei, kiba la ïap na ka jingpyndonkam bakla ïa u drok naduh u Kyllalyngkot jong une u snem, kaba la tam da saw ngut na ka jingdon jong kiba la ïap kum na kine ki jingjia ha u snem ba la leit.
Kumba la ïathuh ka Mizoram Excise and Narcotics Department, la ong ba ki la don kumba 47 ngut ki briew kiba la ïap na ka jingpyndonkam ïa u drok naduh u Kyllalyngkot haduh ka 16 tarik, Nailar. Kine baroh ki la ïap na ka jingpyndonkam ïa u Heroin.
Ki la don baroh kumba 1,783 ngut ki briew, kynthup ïa 2013 ngut ki kynthei, kiba la ïap na ka jingpyndonkam bakla ïa u drok naduh u snem 1984, la ïathuh ka tnat ba dei khmih.
