New York, Nailar:
Katkum ki dur bad ki video ba la saphriang paidbah ha ki ‘Social Media’ la ong ba ki la don 2 tylli ki jingjia pluh iing ha ka thaiñ South Williamsburg bad ha Brownsville, kiba long ki thaiñ ba marjan jong ka nongbah New York bad kane ka la jia ha ka Sngi U Blei.
Ki bor pyniaid ka FDNY ki iathuh ba ka jingpluh ha Brownsville ka la jia ha ka por kumba 11 baje jong ka step Sngi U Blei bad la ong ba katei ka jingkem ding ka la jia ha ka mala ba 11 jong ka ïingmala ba 14 mala hapoh Livonia Avenue. Ki dkhot jong ka tnat pynlip ding ki la ioh ban leit pynlip noh ia katei ka ding kaba la klang ha katei ka ïingmala bad ki la ioh ruh ban pyllait im noh ia 3 ngut ki khynnah rit kiba 4, 5 bad 8 snem ki bym tip briew shuh ha katei ka mala ba kem ding.
Katba, ha katei ka jingpluh hapoh Williamsburg pat, la ong ba kumba 10 ngut ki dkhot jong ka tnat pynlip ding ruh ki la mynsaw lang katba ki dang pyrshang iakhun ban pynlip ia ka ding kaba klang ha katei ka ïingmala.
