Shillong, Nailar 21
Ka Border Security Force (BSF) Meghalaya Frontier ka la plie paidbah ïa ka Inter-Frontier Judo Cluster Competition 2023 kaba la sdang naduh 21tarik bad kut pat ha ka 25 tarik mynta u bnai ha NEHU in Shillong.
Haduh khatwei tylli ki BSF Frontiers ki la pynkhreh bha ïa lade na ka bynta ban ïashim bynta ha kane ka lympung ban pyninam ïa la ki sap ba kine ki shipai ki don ban ïoh rah ïa ka nam lahduh.
Ha kane ka sngi sdang jong ka Inter-Frontier Judo Cluster Competition 2023 la wan sakhi lang ruh da u DGP ka Meghalaya u Dr. Lajja Ram Bishnoi, u Pradip Kumar, IPS, Inspector General jong ka BSF Meghalaya Frontier ha ka jingdon lang kiwei ki heh ophisar.
Ha kane ka sngi ha-shuwa jong ka jingsdang ïa kane ka jingïalehkai, la don ruh ka jingbam smai bad ka Band Display da ki shipai BSF bad ki khynnah pule ka BSF School.
Ki kongsan ha kane ka sngi, kila ïaroh ïa ki kynhun kiba la wan ban shim bynta ha kane ka Inter-Frontier Judo Cluster Competition 2023 ban pyninam ïa la ki sap haba ïadei bad katei ka jingïalehkai.
U la ong ba kum kine ki jingïalehkai kin nang pynkhlaiñ shuh shuh ïa ka bor met jong ki briew bad ka jingpynlong ïa kum kane ka jingïakob kan wanrah ïa ka jingïatylli hapdeng ki nongïashim bynta.
