Imphal, Nailar:
Kumba la ïathuh ka tyllong khubor, la ong ba ka la don ka jinghap bad ka jing-twa biang jong ka khyndew ha ki bynta jong ka surok Imphal-Silchar ha Manipur. Kane ka jingtwa khyndew ka la long ha ki bynta jong ka surok Imphal-Silchar kaba don ha shi lynter jong ka Rangkhul bad Langkhul Khullel ha Noney distrik jong ka Manipur, ha kaba kane ka la ktah ïa ka jingïaid jong ki kali ha ka sngi U Blei.
Ka jingtwa khyndew ka la jia biang ha ka sngi U Blei tang shi sngi hadien ba la sdang ïaid biang ki kali ha ka surok hadien ba la jia ka jingtwa bashyrkhei. Ka jingjur jong ka jinghap jong u slap ka la wanrah biang ïa ka jingtwa khyndew ha ka por mynstep jong ka sngi U Blei.
Ki la don ki kor ki bor na ka bynta ka jingpyntreikam ban pynkhuid ïa ka jingtwa na ka surok. Ki la don palat 500 tylli ki kali kiba la sahkut ha katei ka surok, la ïathuh ki heh ba dei khmih. Ha kane ka surok bah la sakhi biang ïa ka jingjia kumba ka la jia ha ka 15 tarik, Nailar haba la jia ka jingtwa khyndew kaba jur ha kaba ka la khang lynti ïa ka surok da kumba 4 sngi.
