Shillong, Nailar 21
Ka Liverpool kan sa kyrpad ïa ka ‘red card’ ba la ïoh da u Alexis Mac Allister ha ka jingïalehkai ka lympung Premier League, ha kaba ka Liverpool ka la jop da 3-1 kol ïa ka Bournemouth.
Une u rangïalehkai ba dang 24 snem ka Argentina, hadien ka jingïoh pdiang ‘red card’ un duh ïalehkai haduh 3 tylli ki jingïalehkai. U la ïoh pdiang red card hadien ba u la ïuh ïa ka kjat jong u Ryan Christie ha ka minit ba 58 jong ka jingïalehkai kaba la long ha Anfield ha ka sngi Saitjaiñ ba la dep.
