Imphal, Nailar:
Ki shipai ka tnat Border Security Force (BSF) kin sa shah pyntreikam ha ka shnong Thawai Kuki kaba don ha Ukhrul distrik jong ka Manipur ha kaba ki la don kumba lai ngut ki briew kiba la shah pynïap ha ki shipai ha ka sngi Thohdieng, la ïathuh ka tyllong khubor.
Ki shipai ïada ki la pynkhlaiñ ïa ka jingpahara ha ki bynta jong ki khlaw ba marjan ha kaba la suba ba ki riewkieng atiar ki la pynlong jaka rieh, ki la ïathuh. Ka jingthmu ban pyntreikam ïa ka kynhun jong ki shipai BSF ha ka shnong ka la long khyndiat sngi hadien ba u Myntri Rangbah jong ka jylla u N Biren Singh u la dawa ïa ka kaiphot na u Deputy Commissioner bad u SP jong ka Churachandpur shaphang ka jingdon jong ka kynhun ka ban siat ha ka por ba la don ka Independence Day Parade.
Ka tyllong khubor ka la bynrap shuh shuh da kaba ong ba ki la don kumba 60 tylli ki kynhun jong ki shipai BSF ki ban sa shah pyntreikam ha ki khyndai tylli ki distrik jong ka jylla kum shi bynta ban ïarap ïa ki bor sorkar ba kin lah ban tehlakam ïa ka synshar ka khadar ha ka thaiñ.
